(ភ្នំពេញ)៖ ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ថ្ងៃទី១ បានចាប់ផ្ដើមហើយត្រូវនឹងថ្ងៃទី១៤ ខែវិច្ឆិកា ឆ្នាំ២០២៤នេះ។ ការចាប់ផ្ដើមនេះ ជាមួយការដើរកម្សាន្ដរបស់ប្រជាពលរដ្ឋ នៅតាមបណ្ដោយមាត់ទន្លេ និងព្រះបរមរាជវាំង។
ដោយឡែក ការរៀបចំសន្ដិសុខ សណ្ដាប់ធ្នាប់ និងសុវត្ថិភាពវិញ ក៏បានរួចរាល់ទាំងព្រមផងដែរ ដោយកម្លាំងសមត្ថកិច្ចចម្រុះទាំងអស់ បានចូលដល់ទីតាំងដែលត្រូវការពារសុវត្ថិភាពជូនពលរដ្ឋ។
ព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក តែងតែប្រារព្ធក្នុងរយៈពេល៣ថ្ងៃ គឺពីថ្ងៃ១៤កើត ១៥កើត និងថ្ងៃ១រោច ខែកត្តិក នៅតាមទន្លេសាប ហើយសម្រាប់ឆ្នាំនេះ ត្រូវប្រារព្ធឡើងនៅថ្ងៃទី១៤-១៥-១៦ ខែវិច្ឆិកា ឆ្នាំ២០២៤៕
