(ភ្នំពេញ)៖ ព្រឹត្តិការណ៍ប្រគំតន្រ្តី Ganzberg Premium Idol Tour Concert សហការជាមួយផលិតកម្មដ៏ធំ Galaxy Navatra បានធ្វើដំណើរមកដល់ខេត្តកំពង់ចាមហើយ នៅចុងសប្ដាហ៍នេះ ដោយការប្រគំតន្ត្រីដ៏ធំសម្បើមមួយនេះ នឹងនាំយកតារាចម្រៀងល្បីៗ ប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាពសប្បាយរីករាយ និងរាំលេងកម្សាន្ត ជាមួយនឹងចង្វាក់ភ្លេងគ្រប់ស្ទាយ៍ព្រមទាំងបានជួបជាមួយអាយដលជាច្រើនដួង។
ការប្រគំតន្រ្តីនឹងចាប់ផ្ដើមនៅថ្ងៃទី ២៩ និង៣០ ខែវិច្ឆិកា ឆ្នាំ២០២៤នេះ ដែលមានទីតាំងនៅដីឡូត៍ផ្លូវបំបែកខាងជើងផ្សារស្គន់ ភូមិប៉ាណា ឃុំសូទិព្វ ស្រុកជើងព្រៃ ខេត្តកំពង់ចាម ចាប់ពីម៉ោង ០៦៖០០នាទីល្ងាចតទៅ ។
តារាចម្រៀងដែលនឹងចូលរួមច្រៀង មានដូចជា តារាចម្រៀងល្បីប្រចាំប្រទេស លោក ព្រាប សុវត្ថិ, លោក ខាន់ ជេមស៍ និងតារាចម្រៀងជាច្រើនរូបទៀតរួមមាន លោក គូម៉ា, លោក Tempo Tris, លោក សុវត្ថិ សិរីវុឌ្ឍ, កញ្ញា អ៊ុក សុវណ្ណារី, លោក Raksa, កញ្ញា អេមមី, កញ្ញា សុខុម រចនា, លោក Ruth Ko, លោក Sothea និងលោក Gmengz។
ក្រៅពីការប្រគំតន្ត្រីរបស់តារាចម្រៀង ដែលបានរៀបរាប់ខាងលើក៏មានអមមកជាមួយការសម្ដែង Show ពិសេសៗ ដើម្បីបង្កើនភាពសប្បាយរីករាយ នៅលើឆាកតន្រ្តីដ៏ធំសម្បើម បច្ចេកទេស Sound ទំនើបចុងក្រោយ និងភ្លើងចម្រុះពណ៌ដ៏អស្ចារ្យ ដែលមិនធ្លាប់មានពីមុន។ ព្រឹត្តិការណ៍ដ៏អស្ចារ្យនេះ បងប្អូនអាចចូលរួមដោយសេរី៕
