(ភ្នំពេញ)៖ បណ្ឌិត្យសភានគរបាលកម្ពុជា បានជូនដំណឹងដល់បេក្ខជនទាំងអស់ ដែលបានដាក់ពាក្យសុំចូលរួមប្រឡងប្រជែងជ្រើសរើស និស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល និងថ្នាក់វិញ្ញាបនបត្រជាន់ខ្ពស់ជំនាញនគរបាល ឱ្យបានជ្រាបថា សម័យប្រឡងប្រព្រឹត្តទៅនៅថ្ងៃទី២៧ ខែធ្នូ ឆ្នាំ២០២៤ នៅបណ្ឌិត្យសភានគរបាលកម្ពុជា ដូចខាងក្រោម៖

១. វេនព្រឹក នៅវេលាម៉ោង ៧:00 នាទី សម្រាប់ការប្រឡងប្រជែងចូលសិក្សា ថ្នាក់បរិញ្ញាបត
វិទ្យាសាស្ត្រនគរបាល។

២. វេនរសៀល នៅវេលាម៉ោង ១៤:០០ នាទី សម្រាប់ការប្រឡងប្រជែងចូលសិក្សា ថ្នាក់សញ្ញាបត មធ្យមឯកទេសនគរបាល និងថ្នាក់វិញ្ញាបនបត្រជាន់ខ្ពស់ជំនាញនគរបាល។
បេក្ខជនទាំងអស់ត្រូវទៅមើលឈ្មោះ លេខបន្ទប់ លេខតុ នៅរសៀល ថ្ងៃទី២៦ ខែធ្នូ ឆ្នាំ២០២៤ នៅ បណ្ឌិត្យសភានគរបាលកម្ពុជា។

វិញ្ញាសា : ចំណេះដឹងទូទៅទាក់ទងនឹងកិច្ចការនគរបាល និងចំណេះដឹងទូទៅ (រយៈពេល ២ម៉ោង)។
បញ្ញាក់ : សម្រាប់ថ្ងៃប្រឡង បេក្ខជនទាំងពីរភេទត្រូវ៖
- បុរសស្លៀកពាក់ ខោជើងវែង អាវពណ៌ស ឬពណ៌ផ្ទៃមេឃ
- នារីស្លៀកពាក់ សំពត់ក្រោមក្បាលជង្គង់ អាវពណ៌ស ឬពណ៌ផ្ទៃមេឃ
- ត្រូវយកបង្កាន់ដៃទទួលពាក្យនិងអត្តសញ្ញាណប័ណ្ណមកជាមួយ
- ត្រូវយកប៊ិកដែលមានទឹកពណ៌ខៀវ (មិនមែនប៊ិកហ្វឺត)
បម្រាម : ហាមយកសំណៅឯកសារ និងឧបករណ៍អេឡិចត្រូនិកគ្រប់ប្រភេទចូលមណ្ឌលប្រឡងដាច់ខាត៕