(ភ្នំពេញ)៖ នៅរសៀលថ្ងៃទី២៥ ខែធ្នូ ឆ្នាំ២០២៤ លោក ឡាវ វ៉ាន់ ប្រធានការិយាល័យកិច្ចការនិស្សិតក្រៅប្រទេស នៃសមាគមអាហារូបករណ៍សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានរៀបចំសិក្ខាសាលាតម្រង់ទិសដល់សិស្ស-និស្សិតចំនួនប្រមាណ ១០០នាក់ ដែលបានដាក់ពាក្យស្នើសុំអាហារូបករណ៍របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ផ្តល់ជូនតាមរយៈសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ទៅបន្តការសិក្សានៅចិន ក្នុងឆ្នាំសិក្សា២០២៥-២០២៦។
សិក្ខាសាលានេះធ្វើឡើងតាមប្រព័ន្ធ Zoom Meeting។ សិក្ខាសាលានេះ ធ្វើឡើងក្នុងគោលបំណង តម្រង់ទិសដល់សិស្ស-និស្សិតឱ្យយល់កាន់តែច្បាស់អំពីការដាក់ពាក្យស្នើសុំអាហារូបករណ៍, ការរៀបចំឯកសារចាំបាច់មួយចំនួន, ដំណើរការជ្រើសរើស និងការត្រៀមខ្លួនទៅបន្តការសិក្សានៅប្រទេសចិន៕
