(ប៉េកាំង)៖ វេទិកាផ្លាស់ប្តូរវប្បធម៌ចិន-កម្ពុជាលើកទី៤ ដែលមានចំណងជើងថា «ភ្នំសមុទ្រគ្មានព្រំដែន អ្នកជិតខាងចិត្តរួមគ្នា» ត្រូវបានរៀបចំឡើងនៅទីក្រុងប៉េកាំង។ វេទិកាបានចាប់ផ្តើមចេញផ្សាយជាលើកដំបូងនូវរបាយការណ៍ស្ទាបស្ទង់ការយល់ដឹងរបស់យុវជនកម្ពុជាអំពីការផ្លាស់ប្តូរវប្បធម៌កម្ពុជា-ចិន ការចាក់បញ្ចាំងជាលើកដំបូង «មិនយកភ្នំនិងសមុទ្រជាចម្ងាយ» វីដេអូឯកសារពីសហគ្រាសចិននៅកម្ពុជា និងវីដេអូឯកសារខ្លីៗដូចជា «ខ្ញុំរៀនភាសាចិននៅកម្ពុជា» ជាដើម ព្រម​ទាំង​សង្ខេប​លទ្ធផល​ការងារ​រយៈពេល​បី​ឆ្នាំ​របស់សម្ព័ន្ធផ្លាស់ប្តូរវប្បធម៌កម្ពុជា-ចិន។

វេទិកាបានរៀបចំឡើងនៅថ្ងៃទី១៧ ខែកុម្ភៈ អ្នកឯកទេស និងភ្ញៀវអ្នកចូលរួមពិភាក្សាអំពីការពង្រីកកាន់តែស៊ីជម្រៅនៃការផ្លាស់ប្តូរ និងរៀនសូត្រពីគ្នាទៅវិញទៅមករវាងអរិយធម៌ចិននិងកម្ពុជា និងការយោគយល់គ្នាទៅវិញទៅមករវាងប្រជាជន។

វេទិកានេះត្រូវបានរៀបចំដោយសម្ព័ន្ធផ្លាស់ប្តូរវប្បធម៌កម្ពុជា-ចិន ហើយសហការរៀបចំដោយក្រុមហ៊ុន China Huaneng Group Co., Ltd., (ឆៃណា ហ័រណឹង) សាកលវិទ្យាល័យភាសាបរទេសប៉េកាំង រួមជាមួយរាជបណ្ឌិត្យសភាកម្ពុជា និងសាកលវិទ្យាល័យភូមិន្ទភ្នំពេញ។ លោក Li Xiangliang អគ្គនាយករង China Huaneng Group Co., Ltd., (ឆៃណា ហ័រណឹង) លោក Chen Cong អគ្គទីប្រឹក្សាស្ថានទូតចិនប្រចាំកម្ពុជា, លោក ស៊ុយ ប៊ុនឡាយ លេខាទី១ ស្ថានទូតកម្ពុជាប្រចាំប្រទេសចិន, និងលោក Zhao Gang នាយករងសាកលវិទ្យាល័យភាសាបរទេសប៉េកាំង បានថ្លែងសុន្ទរកថាក្នុងវេទិកា។ តំណាងពីវិស័យនយោបាយ សហគ្រាស ការសិក្សា ព័ត៌មាន ប្រព័ន្ធផ្សព្វផ្សាយ និងវិស័យផ្សេងទៀតបានចូលរួមវេទិកានេះ។

លោក Li Xiangliang បានថ្លែងថា ក្នុងនាមជាកម្លាំងដ៏សំខាន់ក្នុងការចូលរួមក្នុងអភិបាលកិច្ចថាមពលសកល និងការលើកកម្ពស់ការអភិវឌ្ឍសេដ្ឋកិច្ចសង្គមពិភពលោក ក្រុមហ៊ុនហ័រណឹង បានផ្តោតការយកចិត្តទុកដាក់យ៉ាងខ្លាំងលើការកសាងសហគមន៍ជោគវាសនារួមកម្ពុជា-ចិន នៅយុគសម័យថ្មី។ បានអនុវត្តយ៉ាងសកម្មចំពោះកិច្ចសហប្រតិបត្តិការ «ត្បូងពេជ្រដែលមានវិស័យសំខាន់ទាំង៦» រវាងចិននិងកម្ពុជា និងបម្រើការងារយ៉ាងសកម្មដើម្បីឆ្លើយតបទៅនឹង «យុទ្ធសាស្ត្របញ្ចកោណ» របស់កម្ពុជា ផ្តោតលើគោលដៅឈ្នះឈ្នះ និងប្រើវប្បធម៌ជាស្ពានភ្ជាប់ តាមរយៈសម្ព័ន្ធផ្លាស់ប្តូរវប្បធម៌កម្ពុជា-ចិន ក្រុមហ៊ុនបានរៀបចំព្រឹត្តិការណ៍ផ្សេងៗ ដើម្បីបង្ហាញពីខ្លឹមសារនៃការអភិវឌ្ឍសេដ្ឋកិច្ច និងសមាហរណកម្មវប្បធម៌រវាងប្រទេសទាំងពីរ។ ស្របពេលដែលការកសាងរួមគ្នាប្រកបដោយគុណភាពខ្ពស់នៃ «ខ្សែក្រវាត់ និងផ្លូវ» កំពុងតែប្រសិទ្ធិភាពទៅមុខ ក្រុមហ៊ុនហ័រណឹង នឹងបន្តគោរពនូវគោលការណ៍ ពិភាក្សរួម សាងសង់រួម និងចែករំលែករួមដោយមានការប្តេជ្ញាចិត្តមិនប្រែប្រួលក្នុងការបង្កើត "គំរូស្តង់ដារ" នៃកិច្ចសហប្រតិបត្តិការថាមពលកម្ពុជា-ចិន ផ្តល់នូវដំណោះស្រាយរបស់ហ័រណឹង ដើម្បីធានាការផ្គត់ផ្គង់ថាមពលស្ថេរភាព និងការអភិវឌ្ឍបរិស្ថានស្អាតនៅក្នុងតំបន់។ ក្រុមហ៊ុនក៏បានធ្វើឱ្យសកម្មការកសាង «ស្ពានភ្ជាប់» រវាងប្រជាជនចិននិងកម្ពុជា អោយប្រជាជនក្នុងតំបន់ទទួលបានផលប្រយោជន៍ពីការអភិវឌ្ឍន៍ និងសម្រេចបានកិច្ចបញ្ចូលវប្បធម៌ និងការរួមរស់ស្និទ្ធស្នាលរវាងប្រជាជនទាំងពីរ។

លោក Chen Cong បានថ្លែងក្នុងសុន្ទរកថារបស់លោកថា ក្នុងរយៈពេលបីឆ្នាំកន្លងមកនេះ សម្ព័ន្ធផ្លាស់ប្តូរវប្បធម៌កម្ពុជា-ចិន បានរៀបចំសកម្មភាពផ្លាស់ប្តូរវប្បធម៌ជាច្រើន ដោយមានតួនាទីសំខាន់ក្នុងការចងសម្ព័ន្ធមិត្តភាព និងការយល់ច្បាស់រវាងប្រជាជនទាំងពីរ។ ស្ថានទូតចិនប្រចាំនៅកម្ពុជា នឹងបន្តគាំទ្រសម្ព័ន្ធភាព ធ្វើឱ្យការផ្លាស់ប្តូរ និងកិច្ចសហប្រតិបត្តិការកាន់តែស៊ីជម្រៅរវាងចិន និងកម្ពុជា និងបន្តពង្រឹងចំណងមិត្តភាពដ៏រឹងមាំរវាងប្រទេសទាំងពីរ។

លោក ស៊ុយ ប៊ុនឡាយ បាននិយាយនៅក្នុងសុន្ទរកថារបស់លោកថា វេទិកានេះបានពង្រឹងបន្ថែមទៀតនូវស្ពាននៃការតភ្ជាប់រវាងប្រជាជនទាំងពីរ និងជួយជាកម្លាំងក្នុងកិច្ចសហប្រតិបត្តិការស៊ីជម្រៅរវាងរដ្ឋាភិបាលទាំងពីរក្នុងវិស័យមនុស្សធម៌។ ខ្ញុំសង្ឃឹមថាវេទិកានេះនឹងអាចពង្រីកបន្ថែមទៀតលើវិស័យជាច្រើនដូចជាវប្បធម៌ និងទេសចរណ៍នាពេលអនាគត។

លោក Zhao Gang នៅក្នុងសម្តែងសុន្ទរកថាបាននិយាយថា ក្នុងនាមជាអង្គភាពផ្តួចផ្តើមមួយនៃសម្ព័ន្ធផ្លាស់ប្តូរវប្បធម៌កម្ពុជា-ចិន សាកលវិទ្យាល័យភាសាបរទេសប៉េកាំងសូមចាប់ដៃគ្នាជាមួយក្រុមហ៊ុន ឆៃណា ហ័រនឹង ដើម្បីធ្វើសកម្មភាពវប្បធម៌រួមគ្នាជាមួយសាកលវិទ្យាល័យ មជ្ឈមណ្ឌលច្នៃប្រឌិត ប្រព័ន្ធផ្សព្វផ្សាយ និងសហគ្រាសនៃប្រទេសទាំងពីរ ដើម្បីជំរុញការទាក់ទងគ្នានៃប្រជាជននៃប្រទេសទាំងពីរ។

វេទិកាលើកនេះបានរៀបចំជាបីផ្នែក គឺ « រូបភាពរំលឹករាប់ពាន់ឆ្នាំ» «ភ្នំនិងសមុទ្របង្ហាញអំពីមិត្តភាពយូរអង្វែង» និង «អ្នកប្រាជ្ញនិយាយអំពីអ្នកជិតខាងល្អ» ដើម្បីបង្ហាញពីមិត្តភាពជ្រាលជ្រៅដ៏មានប្រវត្តិយូរលង់របស់ប្រទេសចិននិងកម្ពុជា និងបញ្ជូនក្តីសង្ឃឹមល្អប្រសើរនៃការចាប់ដៃគ្នារីកចម្រើន និងមិត្តភាពអនុវតន៍ពីជំនាន់មួយទៅជំនាន់មួយ។ នៅក្នុងវេទិកា បានចេញផ្សាយជាលើកដំបូងនូវ «របាយការណ៍ស្ទាបស្ទង់ការយល់ដឹងរបស់យុវជនកម្ពុជាអំពីការផ្លាស់ប្តូរវប្បធម៌កម្ពុជា-ចិន»។ របាយការណ៍នេះត្រូវបានគាំទ្រដោយក្រុមហ៊ុន ឆៃណា ហ័រនឹង និងរៀបចំរួមគ្នាដោយសាកលវិទ្យាល័យភាសាបរទេសប៉េកាំង និងសាកលវិទ្យាល័យភូមិន្ទភ្នំពេញកម្ពុជា។ របាយការណ៍នេះបានផ្តោតលើប្រាំមួយវិស័យ ដែលរួមមាន ការអប់រំ, ទេសចរណ៍, វប្បធម៌, ឯកសារស្តីពីភាពយន្ត, និងយុទ្ធនាការផ្លាស់ប្តូរវប្បធម៌រវាងយុវជនកម្ពុជា-ចិន។ របាយការណ៍នេះបានវិភាគអំពីការយល់ដឹងរបស់យុវជន "ជំនាន់ Z " នៅកម្ពុជា ចំពោះទំនាក់ទំនងវប្បធម៌រវាងប្រទេសទាំងពីរ។ លទ្ធផលនៃការស្រាវជ្រាវនេះនឹងផ្តល់ គោលការណ៍និងទិន្នន័យដ៏មានតម្លៃ ដើម្បីបន្តពង្រឹងទំនាក់ទំនងមិត្តភាពរវាងប្រទេសចិន និងកម្ពុជា។

នៅក្នុងវេទិកា បានបញ្ចាំងជាលើកដំបូងនូវវីដេអូឯកសាររបស់សហគ្រាសចិននៅកម្ពុជា ដែលមានចំណងជើងថា «មិនយកភ្នំនិងសមុទ្រជាចម្ងាយ»។ ខ្សែភាពយន្តនេះគឺជាការបន្តបន្ទាប់ពីការផលិតខ្សែភាពយន្តដែលមានចំណងជើងថា «ខ្ញុំនិងមិត្តភក្តិដែកថែបរបស់ខ្ញុំ» ដែលដឹកនាំដោយក្រុមហ៊ុនឆៃណា ហ័រនឹង ដោយផ្តោតលើសហគ្រាសចិនដែលមានលក្ខណៈតំណាងនៅក្នុងវិស័យផ្សេងៗនៅកម្ពុជា និងរៀបរាប់អំពីរឿងរ៉ាវនៃការសហការពីជំនួយដែលមានប្រយោជន៍រវាងចិននិងកម្ពុជាក្នុងច្រើនផ្នែក ដូចជាការអប់រំ ថាមពល សំណង់ហេដ្ឋារចនាសម្ព័ន្ធ និងសុខាភិបាល ដែលបានបង្ហាញយ៉ាងពេញលេញនូវការចូលរួមយ៉ាងសកម្មរបស់សហគ្រាសចិននៅកម្ពុជាដែលមានក្រុមហ៊ុនហ័រនឹង ជាតំណាង ក្នុងការរួមចំណែកដល់ការអភិវឌ្ឍសេដ្ឋកិច្ច និងការកែលម្អជីវភាពប្រជាជនក្នុងស្រុក។
នៅលើវេទិកាបានចាក់បញ្ចាំងជាមុននូវ វីដេអូឯកសារ《ខ្ញុំរៀនភាសាចិននៅកម្ពុជា》។ វីដេអូឯកសារនេះផ្តោតលើ កម្រិតចំណង់ចំណូលចិត្តនៃ "ការរៀនភាសាចិន" នៅកម្ពុជា ដោយបង្ហាញជីវិតរបស់សិស្សខ្មែរដែលទទួលបាន "អាហារូបករណ៍ហ័រនឹង" ។

បានបង្ហាញអំពីរបៀបដែលការរៀនភាសាចិនអាចផ្លាស់ប្តូរជីវិតពួកគេ និងបង្កើតឱកាសឲ្យពួកគេក្លាយជាតំណាងវប្បធម៌ សម្រាប់ការតភ្ជាប់រវាងកម្ពុជា និងចិន។ ឆ្នាំនេះគឺជាឆ្នាំទី ៧ ដែល ឆៃណា ហ័រនឹង បានអនុវត្តគម្រោង អាហារូបករណ៍ហ័រនឹង នៅកម្ពុជា។ រហូតមកដល់បច្ចុប្បន្ន បានជួយសិស្សអាហារូបករណ៍ចំនួន 200+ នាក់ ដែលជាសិស្សខ្មែរទាំងនៅថ្នាក់បឋមសិក្សា និងសាកលវិទ្យាល័យ ដើម្បីជួយពន្លឺផ្លូវការសិក្សារបស់ពួកគេ។

វេទិកាក៏បានរៀបចំពិធីប្រគល់ពានរង្វាន់សម្រាប់ការប្រកួតប្រជែងវីដេអូខ្លីៗរបស់និស្សិតយុវជនជំនាន់ Z ចិន-កម្ពុជាលើកទី៣។ ក្នុងការប្រកួតប្រជែងនេះ ស្នាដៃសរុបចំនួន ៤៥ របស់និស្សិតមកពីសាកលវិទ្យាល័យចិន និងកម្ពុជាបានលេចធ្លោ ដែលភាគច្រើនទទួលបានពានរង្វាន់ក្នុង ការប្រកួតវីដេអូខ្លី សញ្ញាសម្គាល់ប្រទេស១០០ ជាលើកទី ៦ នៃគម្រោង "ខ្សែក្រវាត់និងផ្លូវ"។

នៅក្នុងការពិភាក្សាអ្នកឯកទេស "ស្ថានភាពបច្ចុប្បន្ន និងទស្សនវិស័យនៃការផ្លាស់ប្តូរប្រជាជនរវាងប្រជាជនចិន-កម្ពុជា" លោក Zhu Yannan នាយកមជ្ឈមណ្ឌលស្រាវជ្រាវអភិវឌ្ឍន៍នៃរដ្ឋបាលវិទ្យុ និងទូរទស្សន៍ Dong Guanpeng អនុប្រធានសមាគមទំនាក់ទំនងសាធារណៈចិន ព្រឹទ្ធបុរស និងជាសាស្រ្តាចារ្យនៃវិទ្យាស្ថានជាតិទំនាក់ទំនងសាធារណៈ និងទំនាក់ទំនងយុទ្ធសាស្រ្តនៃសាកលវិទ្យាល័យទំនាក់ទំនងចិន លោក នាក់ ចិន្តា​រិ​ទ្ធិ ប្រធាន​មជ្ឈមណ្ឌល​កម្ពុជា​ដើម្បី​ស្រាវជ្រាវ​ "ផ្លូវ​សូត្រ​សមុទ្រ" សតវត្សរ៍ទី ២១ និងជាព្រឹទ្ធបុរសនៃវិទ្យាស្ថានទំនាក់ទំនងអន្តរជាតិ និងគោលនយោបាយសាធារណៈនៃរាជបណ្ឌិត្យសភាវិទ្យាសាស្ត្រកម្ពុជា និងលោក Jin Ping នាយកវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាវិទ្យាសាស្ត្រកម្ពុជា អ្នកឯកទេស មកពីប្រព័ន្ធផ្សព្វផ្សាយ ពិភាក្សាអំពីផ្លូវថ្មីសម្រាប់ការផ្លាស់ប្តូរប្រជាជនរវាងចិន-កម្ពុជា ទាក់ទងនឹងកិច្ចសហប្រតិបត្តិការឧស្សាហកម្មវប្បធម៌ ការផ្លាស់ប្តូរយុវជន និងការអភិវឌ្ឍសិក្សា។

លោក Zhu Yannan បាននិយាយថា វិទ្យុ និងទូរទស្សន៍ចិន-កម្ពុជា និងសោតទស្សន៍អនឡាញបានសម្រេចបានសមិទ្ធិផលដ៏អស្ចារ្យក្នុងវិស័យផ្លាស់ប្តូរវប្បធម៌ចិន-កម្ពុជា ហើយសង្ឃឹមថាសហគ្រាសដែលតំណាងដោយ ហ័រនឹង នឹងពឹងផ្អែកលើគម្រោងនៅក្រៅប្រទេសដើម្បីផ្សព្វផ្សាយសំឡេងរបស់ចិន ពង្រីកឥទ្ធិពលនៃវប្បធម៌ចិន និងលើកកម្ពស់ការផ្លាស់ប្តូរ និងការរៀនសូត្រគ្នាទៅវិញទៅមកក្នុងចំណោមអរិយធម៌។

Dong Guanpeng បានចង្អុលបង្ហាញថា តាមរយៈការពង្រឹងបច្ចេកវិទ្យា រឿងរ៉ាវរបស់ចិន និងកម្ពុជាកាន់តែច្រើនគួរតែត្រូវបានបង្ហាញទៅកាន់វេទិកាប្រព័ន្ធផ្សព្វផ្សាយទាំងអស់នៃប្រទេសទាំងពីរ បង្កើនប្រសិទ្ធភាពនៃការទំនាក់ទំនងអន្តរជាតិ បន្តបង្កើតសមិទ្ធិផលថ្មីក្នុងការផ្លាស់ប្តូរវប្បធម៌ និងអនុញ្ញាតឱ្យសម្បត្តិវប្បធម៌ និងស្នាដៃសិល្បៈកាន់តែច្រើនទៅសកល។

លោក នាក់ ចិន្តា​រិ​ទ្ធិ ជឿជាក់ថា ការច្នៃប្រឌិតឌីជីថល និងបៃតងនឹងកំណត់ឡើងវិញនូវភាពជាដៃគូចិន-កម្ពុជា ហើយបណ្តាញនៃទេពកោសល្យ និងស្ថាប័នវ័យក្មេងគឺជាការធានាដ៏សំខាន់មួយដើម្បីធានាបាននូវការអភិវឌ្ឍរយៈពេលវែង ហើយសង្ឃឹមថាប្រទេសចិន និងកម្ពុជានឹងធ្វើការរួមគ្នាដើម្បីធ្វើការផ្លាស់ប្តូរវប្បធម៌ និងស្រាវជ្រាវ ប្រាប់រឿងរ៉ាវរបស់ប្រទេសទាំងពីរឱ្យបានល្អ និងពង្រឹងបេតិកភណ្ឌវប្បធម៌។

លោក Jinping បាននិយាយថា ការផ្លាស់ប្តូរប្រជាជនរវាងចិន-កម្ពុជាមានទស្សនវិស័យភ្លឺស្វាង ហើយសង្ឃឹមថានឹងបណ្តុះបណ្តាលទេពកោសល្យបន្ថែមទៀតដើម្បីពង្រឹងទំនាក់ទំនងសិក្សារវាងប្រទេសទាំងពីរ និងបន្តពង្រឹងកិច្ចសហប្រតិបត្តិការក្នុងផ្នែកវេជ្ជសាស្រ្ត និងការថែទាំសុខភាព ការអភិវឌ្ឍប្រកបដោយចីរភាពបរិស្ថាន ទេសចរណ៍ និងការអភិវឌ្ឍជនបទ ដើម្បីសម្រេចបាននូវការរៀនសូត្រគ្នាទៅវិញទៅមក និងផលប្រយោជន៍ទៅវិញទៅមកក្នុងចំណោមអរិយធម៌៕