(ព្រះវិហារ)៖ លោក មិន សុីថា អភិបាលខេត្តស្តីទីខេត្តព្រះវិហារ បានថ្លែងណែនាំដល់មន្ទីរសុខាភិបាលខេត្ត ត្រូវប្រកាន់យកកម្មវិធីផ្តល់ឈាមឱ្យបានជាប់ជាប្រចាំ បើទោះបីតទៅមុខទៀតខេត្តព្រះវិហារ មានការប្រែប្រួល និងផ្លាស់ប្តូរថ្នាក់ដឹកនាំខេត្តក៏ដោយ លោកសុំឱ្យរក្សាកម្មវិធីផ្តល់ឈាមនេះ ឱ្យមាននៅក្នុងខេត្តជារៀងរហូត។
ការថ្លែងណែនាំបែបនេះរបស់លោក មិន សុីថា ក្នុងឱកាសដែលលោកអញ្ជើញចូលរួមបិទសន្និបាតបូកសរុបលទ្ធផលការងារសុខាភិបាលប្រចាំឆ្នាំ២០២៤ និងលើកទិសដៅបន្តឆ្នាំ២០២៥ របស់មន្ទីរសុខាភិបាលខេត្តព្រះវិហារ នៅព្រឹកថ្ងៃទី០២ ខែមេសា ឆ្នាំ២០២៥ ដោយមានការចូលរួមពីលោកវេជ្ជបណ្ឌិត គួង ឡូ ទីប្រឹក្សាក្រសួងសុខាភិបាល និងជាប្រធានមន្ទីរសុខាភិបាលខេត្តព្រះវិហារ ព្រមទាំងថ្នាក់ដឹកនាំ មន្ត្រីរាជការ អាជ្ញធរក្រុង ស្រុក ឃុំ សង្កាត់ កងកម្លាំងទាំង៣ ប្រធាន អនុប្រធាន មន្ទីរពេទ្យបង្អែក មណ្ឌលសុខភាព អង្គការដៃគូរអភិឌ្ឍន៍ និងមន្ត្រីពាក់ព័ន្ធជាច្រើនរូបទៀត។
លោក មិន សុីថា បានថ្លែងនូវការកោតសរសើរនិងវាយតម្លៃខ្ពស ចំពោះថ្នាក់ដឹកនាំ មន្ត្រីរាជការ បុគ្គលិកសុខាភិបាល និងគ្រូពេទ្យទាំងអស់ ដែលបានខិតខំយកចិត្តទុកដាក់អនុវត្តន៍តួនាទីភារកិច្ច ប្រកបដោយមនសិការវិជ្ជាជីវៈទទួលខុសត្រូវខ្ពស់ និងសូមថ្លែងអំណរគុណចំពោះកិច្ចសហការ ក្នុងការគាំទ្រទាំងផ្នែកបច្ចេកទេស ហិរញ្ញវត្ថុ ពីសំណាក់ដៃគូរអភិវឌ្ឍន៍ អង្គការសង្គមសុីវិល និងបណ្តាលវិស័យពាក់ព័ន្ធនានា ដែលកន្លងមកបានចូលរួមសកម្មនៅក្នុងសកម្មភាពសុខាភិបាល និងការងារមនុស្សធម៌ ដើម្បីចូលរួមចំណែកនៅក្នុងវិស័យសុខាភិបាល លើកកម្ពស់ខឿនសុខភាពនិងសង្គ្រោះអាយុជីវិតប្រជាជន ដោយមិនប្រកាន់និន្នាការនយោបាយ ពូជសាសន៍ ពណ៍សំបុរ រហូតសម្រេចបានសមិទ្ទិផលជោគជ័យជាច្រើនគួរឱ្យកត់សម្គាល់ ជាពិសេសលើការរៀបចំយុទ្ធនាការផ្តល់ឈាមដើម្បីសង្គ្រោះជីវិត បានរួមចំណែកសំខាន់ក្នុងការកាត់បន្ថយអត្រាមរណៈភាពអ្នកជម្ងឺ អត្រាមរណៈភាពម្តាយនិងទារក ជម្ងឺឆ្លង ជម្ងឺមិនឆ្លងផ្សេងទៀត។
លោកអភិបាលខេត្តស្តីទីខេត្តព្រះវិហារ បានថ្លែងទៀតថា៖តាមរបាយការណ៍របស់លោកប្រធានមន្ទីរសុខាភិបាលខេត្ត បានបង្ហាញឱ្យឃើញនូវលទ្ធផលការងារសម្រេចបាននូវវឌ្ឍនភាពលើប្រតិបត្តិការវិស័យសុខាភិបាលទូទាំងខេត្តព្រះវិហាររយះពេល១ឆ្នាំ ពិសេសគឺលទ្ធផលនៃសន្និបាតរយះពេល២ថ្ងៃ បានផ្សព្វផ្សាយអំពីសមិទ្ធិផលសម្រេចបានរយះពេល១ឆ្នាំ ការចែករំលែកមេរៀន បទពិសោធន៍ ចំណុចខ្លាំង ចំណុចខ្វះខាត ដើម្បីជាមូលដ្ឋានសម្រាប់ការពិចារណា ការលើកទិសដៅកែលំអរសម្រាប់ឆ្នាំបន្តបន្ទាប់ទៀត។
លោក មិន សុីថា បានថ្លែងទៀតថា៖តាមរយះសន្និបាតនេះនឹងមានទំនុកចិត្ត នឹងយកលទ្ធផលនៃការពិភាក្សា មេរៀនបទពិសោធន៍ល្អៗ និងបន្តជួយគាំទ្របំពេញនូវចំណុចខ្វះខាត ឫតម្រូវការនានា ដើម្បីដាក់ចូលក្នុងផែនការសកម្មភាពប្រចាំឆ្នាំរបស់ខ្លួន សំដៅធ្វើយ៉ាងណាជំរុញលើកកម្ពស់វិស័យសុខាភិបាល ទូទាំងខេត្តឱ្យកាន់តែរីកចម្រើនថែមទៀតស្របតាមផែនការយុទ្ធសាស្ត្ររបស់រាជរដ្ឋាភិបាលកម្ពុជាយើង។
លោកអភិបាលខេត្តស្តីទី ក៏បានថ្លែងអំពាវនាវដល់មន្ទីរសុខាភិបាលខេត្ត សូមយកចិត្តទុកដាក់អនុវត្តនូវការងារសំខាន់ៗជាអាទិភាពមយយចំនួនដូចជា៖សូមបន្តរក្សាសាមគ្គីផ្ទៃក្នុង បង្កើនកិច្ចសហការ និងកិច្ចប្រតិបត្តិការល្អជាមួយអង្គភាព ស្ថាប័ន និងដៃគូរអភិវឌ្ឍន៍នានា,រួមគ្នាលើកកម្ពស់គុណភាព សុវត្ថិភាព និងប្រសិទ្ធភាព នៃសេវាសុខាភិបាល ជាពិសេសសេវាសុខភាពបឋម សេវាសង្គ្រោះបន្ទាន់ បង្កើនការអភិវឌ្ឍន៏នូវហេដ្ឋារចនាសម្ព័ន្ធសុខាភិបាល និងបច្ចេកវិទ្យាវេជ្ជសាស្ត្រ រៀបចំសោភ័ណ្ណភាព បរិស្ថានរបស់អង្គភាព និងត្រៀមសម្ភារ មធ្យោបាយ បុគ្គលិក ធនធាន បរិក្ខាផ្សេងៗ ដើម្បីត្រៀមអន្តរាគមន៍ការជួយសង្រ្គោះ នៅក្នុងពិធីអបអរសាទពិធីបុណ្យចូលឆ្នាំថ្មីខាងមុខ លើកកម្ពស់សមត្ថភាពនិយ័តកម្ម ទាំងនូវមូលដ្ឋានសុខាភិបាលសាធារណៈ និងឯកជន ហើយត្រូវទទួលខុសត្រូវក្នុងការផ្តល់សេវាសុខាភិបាល ការស្រាវជ្រាវសុខាភិបាល រួមមានជម្ងឺឆ្លង និងជម្ងឺមិនឆ្លង ពង្រឹងប្រព័ន្ធអង្កេតតាមដាន ដើម្បីឆ្លើយតបគ្រោះអាសន្នផ្នែកសុខភាពសាធារណៈឱ្យស្របតាមច្បាប់លក្ខ័ណសុខភាព រួមគ្នារៀបចំអនុវត្តឱ្យបាន នូវសុវត្ថិភាពយុទ្ធសាស្ត្រអភិវឌ្ឍធនធានមនុស្សក្នុងវិស័យសុខាភិបាល ពង្រឹងសមត្ថភាពជំនាញ វិជ្ជាជីវៈ ក្រមសីលធ៌វិជ្ជាជីវៈ និងឥរិយាបថនៃការផ្តល់សេវា ជាពិសេសរៀបចំផែនការធនធានមនុស្សសុខាភិបាល ការពង្រាយបុគ្គិលសុខាភិបាល មានជំនាញច្បាស់លាស់ទៅកាន់ទីជនបទ តាមដានត្រួតពិន្យវាយតម្លៃគុណភាពសេវាឱ្យបានទៀងទាត់ទាំងសេវាឯកជន ត្រួតពិនិត្យលុបបំបាត់សេវាឯកជនខុសច្បាប់ និងការផ្សព្វផ្សាយអាហារបំប៉នគ្មានច្បាប់អនុញ្ញាតិពីក្រសួងសុខាភិបាល។
ដោយឡែកលោកវេជ្ជបណ្ឌិត គួង ឡូ ប្រធានមន្ទីរសុខាភិបាលខេត្តព្រះវិហារ បានថ្លែងអំណរគុណយ៉ាងជ្រាលជ្រៅដល់លោកសាស្ត្រាចារ្យ ឈាង រ៉ារដ្ឋមន្ត្រីក្រសួងសុខាភិបាល ដែលតែងតែបង្ហាត់បង្រៀន និងផ្តល់អនុសាសន៍ល្អៗ ក្នុងនាមភាពជាអ្នកដឹកនាំ ប្រកបដោយភាពជាម្ចាស់ និងនវានុវត្តន៍ ដល់រូបលោក និងមន្ត្រីសុខាភិបាលទាំងអស់ ដើម្បីឱ្យការបម្រើសេវាជូនប្រជាពលរដ្ឋឱ្យកាន់តែល្អប្រសើរ។លោកក៏ថ្លែងអំណរគុណដល់ប្រាក់ សុវណ្ណ ប្រធានក្រុមប្រឹក្សាខេត្ត និងលោក គីម រិទ្ធី អភិបាលខេត្តព្រះវិហារ ដែលតែតែយកចិត្តទុកដាក់លើវិស័យសុខាភិបាលក្នុងខេត្តព្រះវិហារ។លោកប្រធានមន្ទីរបញ្ជាក់ថា លោក គីម រិទ្ធី តែងផ្តល់អនុសាសន៍ក្នុងភាពជាអ្នកដឹកនាំ ដើម្បីធ្វើយ៉ាងណាឱ្យការងារដឹកនាំវិស័យសុខាភិបាលខេត្តព្រះវិហារ កាន់តែមានវឌ្ឍនភាព កាន់តែប្រសើរឡើង ធ្វើយ៉ាងណាឱ្យប្រជាពលរដ្ឋទទួលបាននូវសេវាមួយប្រកបដោយគុណភាព ប្រសិទ្ធភាព ប្រសិទ្ធផល សុវត្ថិភាព និងសមធម៌។
លោក គួង ឡូ ក៏បានថ្លែងនូវការអរគុណដល់លោក លោកស្រី និងអ្នកពាក់ព័ន្ធទាំងអស់ ដែលបានចូលរួមក្នុងសន្និបាត បានផ្តល់នូវធាតុចូលជាច្រើន សម្រាប់ឱ្យមន្ទីរសុខាភិបាលប្រមូលយកនូវធាតុចូលរៀបចំនៅផែនការសកម្មភាព សម្រាប់អនុវត្តបន្តនៅក្នុងឆ្នាំ២០២៥ ដើម្បីឱ្យការផ្តល់សេវា ឫក៍បម្រើសេវាសុខភាពជូនប្រជាពលរដ្ឋនៅក្នុងខេត្តព្រះវិហារ កាន់តែប្រសើរឡើងពីមួយឆ្នាំទៅមួយឆ្នាំ។លោកថាកិច្ចពិក្សានៅថ្ងៃបើកសន្និបាត ក៏បានរកឃើញបញ្ហាប្រឈមមយយចំនួនទៀត ដែលទាមទាដល់អាជ្ញាធរខេត្តជួយអន្តរាគមន៍និងដោះស្រាយជូន ដើម្បីឱ្យដំណើរការរបស់មន្ទីរសុខាភិបាលកាន់តែមានប្រិសិទ្ធភាពថែមទៀត៕
