(ភ្នំពេញ)៖ ទេសរដ្ឋមន្ត្រីរបស់សិង្ហបុរី លោក លី សៀនលុង បានផ្ញើសាររំលែកទុក្ខជូនសម្តេចតេជោ ហ៊ុន សែន ចំពោះមរណភាពឯកឧត្តម អ្នកឧកញ៉ា មេត្រីវិសិដ្ឋ ហ៊ុន សាន។
លិខិតរបស់លោក លី សៀនលុង មានខ្លឹមសារដូច្នេះថា «សម្តេច ហ៊ុន សែន ជាទីគោរពរាប់អាន! សូម សម្តេច ទទួលនូវការចូលរួមរំលែកទុក្ខដ៏ក្រៀមក្រំបំផុត ចំពោះមរណភាព ឯកឧត្តម អ្នកឧកញ៉ា មេត្រីវិសិដ្ឋ ហ៊ុន សាន ដែលត្រូវជាបងប្រុស សម្តេច។
ខ្ញុំបានដឹងតាមការបង្ហោះលើបណ្តាញសង្គមរបស់សម្តេចថា បងប្រុសរបស់សម្តេច បានលះបង់ជាច្រើនដើម្បីប្អូនៗរបស់គាត់ រួមទាំងសុខចិត្តឈប់រៀន ដើម្បីផ្គត់ផ្គង់ដល់ការសិក្សារបស់សម្តេច។ ការបាត់បង់ រូបកាយរបស់គាត់ គឺពិតជាឈឺចាប់។
ហូ ចឹង និងខ្ញុំ សូមចូលរួមរំលែកទុក្ខអស់ពីដួងចិត្ត ប្រកបដោយសេចក្តីស្រណោះអាឡោះអាល័យ ចំពោះការបាត់បង់នេះ។ សមានចិត្តរបស់យើងខ្ញុំ ស្ថិតនៅជាមួយសម្តេច និងក្រុមគ្រួសារជានិច្ច នាវេលាដ៏ទុក្ខ សោកក្រៀមក្រំនេះ»៕
