(ស្វាយរៀង)៖ លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងជាប្រធានក្រុមការងារថ្នាក់ជាតិចុះជួយខេត្តស្វាយរៀង នៅថ្ងៃទី៣ ខែមេសា ឆ្នាំ២០២៥ បានដឹកនាំក្រុមការងារចូលក្រាបថ្វាយបង្គំព្រះសង្ឃ និងប្រគេនទេយ្យទានចំនួន ៧វត្ត នៅឃុំអណ្តូងត្របែក និងឃុំក្រសាំង ស្រុករមាសហែក ខេត្តស្វាយរៀង។
ក្នុងមួយវត្ត លោកស្រីរដ្ឋមន្ត្រី បានប្រគេននូវអង្ករ ២០០គីឡូក្រាម ទឹកសុទ្ធ៤កេស ទឹកក្រូច២កេស មី៤កេស ត្រីខកំប៉ុង៤យួរ ទឹកត្រី៤យួរ ទឹកស៊ីអ៊ីវ៤យួរ ប្រេងឆា៤ដប ស្ករស៤គីឡូក្រាម តែ២កញ្ចប់ កាហ្វេ២កញ្ចប់ ធូប២ដុំ និងបច្ច័យមួយចំនួន។
ក្នុងឱកាសនេះផងដែរ លោកស្រីរដ្ឋមន្ត្រី ក៏បានពាំនាំនូវការសាកសួរសុខទុក្ខពីប្រមុខរាជរដ្ឋាភិបាល ទូលប្រគេនព្រះសង្ឃ ក៏ដូចជាបងប្អូនប្រជាពលរដ្ឋទាំងអស់ និងជូនពរក្នុងពិធីបុណ្យចូលឆ្នាំថ្មីប្រពៃណីជាតិខាងមុខនេះ៕
