(ភ្នំពេញ)៖ លោក ឃិន ម៉េងឃាង ប្រធាននាយកដ្ឋានទេសចរណ៍ធម្មជាតិ នៃក្រសួងបរិស្ថាន និងជាប្រធានគម្រោង CSLEP បានបង្ហាញថា គម្រោង «និរន្តភាពតំបន់ទេសភាព និងទេសចរណ៍ធម្មជាតិកម្ពុជា» គឺជាគម្រោងដែលទទួលបានការគាំទ្រពី ធនាគារពិភពលោក ដើម្បីអនុវត្តការពារតំបន់ធនធានធម្មជាតិ។

កម្មវិធីនេះធ្វើឡើងក្រោមអធិបតីភាពលោក ប៉ាក សុខារ៉ាវុត អនុរដ្ឋលេខាធិការក្រសួងបរិស្ថាន ព្រមទាំងតំណាងក្រសួងពាក់ពាន់ តំណាងវិស័យឯកជន និងភ្ញៀវជាតិ អន្តរជាតិសំខាន់ៗ ជាច្រើនរូបទៀត ដែលមានរយៈពេល៤ថ្ងៃ ចាប់ពីថ្ងៃទី២ ដល់ទី៥ ខែមេសា ឆ្នាំ២០២៥។

លោក ឃិន ម៉េងឃាង បានបញ្ជាក់យ៉ាងដូច្នេះថា៖ «គម្រោង «និរន្តភាពតំបន់ទេសភាព និងទេសចរណ៍ធម្មជាតិកម្ពុជា» គឺជាគម្រោងដែលទទួលបានការគាំទ្រពី ធនាគារពិភពលោក ដើម្បីអនុវត្តការពារតំបន់ធនធានធម្មជាតិ។ហើយនិងលើកកម្ពស់ការអភិវឌ្ឍន៍ទេសចរណ៍ធម្មជាតិ នៅក្នុងតំបន់ការពារទេសភាពតំបន់ទេសភាពចំនួនពីររួមាន៖ ទី១៖ ជួរភ្នំក្រវាញ និងទន្លេសាប ដែលមានខេត្ដចំនួន៦ រួមមាន៖ ខេត្តកោះកុង កំពង់ស្ពឺ កំពង់ឆ្នាំង ពោធិ៍សាត់ បាត់ដំបង និងខេត្តសៀមរាប ចាប់ពីឆ្នាំ២០២០ ដល់២០២៧។

លោក ឃិន ម៉េងឃាង បានបន្ដថា ដោយមានការគាំទ្ររបស់គម្រោង CSLEP របស់ក្រសួងបរិស្ថាន ទីមួយ៖ ពង្រឹងការការពារព្រៃឈើ មានការកំណត់តំបន់ បោះបង្គោលព្រំ ចុះបញ្ជីដី ពង្រឹងការងារអនុវត្តច្បាប់ និងទីពីរ៖ គឺតំបន់ទេសភាពទាំងអស់ ហ្នឹងក៏ដូចជាតំបន់សក្ដានុពល ហើយជំរុញការអភិវឌ្ឍន៍គោលដៅលំហែលបៃតង ទាំងការចូលរួមពីវិស័យឯកជន ទាំងសហគមន៍មូលដ្ឋាន ពីព្រោះមិនអាចកាត់ផ្ដាច់បានទេ គឺត្រូវតែមានការផ្សារភ្ជាប់ជាមួយ និងការងារអភិវឌ្ឍ និងតុល្យភាព ជាមួយការងារអភិរក្ស អញ្ចឹងតំបន់ទេសភាព គឺជាគោលដៅលំហែលបៃតងមួយដ៏សំខាន់ អញ្ចឹងហើយបានគម្រោងគាំទ្រទី១៖ គឺការរៀបចំតំបន់ការពារឱ្យល្អកុំឱ្យបាត់បង់ និងទី២៖ គឺទាញយកឱកាសដើម្បីអភិវឌ្ឍន៍គោលដៅលំហែបៃតងអេកូរទេសចរណ៍ និងទី៣៖ គឺការគាំទ្រផ្សេងៗទៀតដែលពាក់ព័ន្ធទៅនឹងរឿងការការពារ ការអនុវត្តច្បាប់ និងការតភ្ជាប់ផ្លូវ។ ផ្លូវ ដំណាក់កាលទីមួយ គឺតភ្ជាប់ផ្លូវ៩០គីឡូ នៅតាមតំបន់ខេត្ត ដើម្បីភ្ជាប់ពីតំបន់គោលដៅមួយទៅតំបន់គោលដៅមួយ។

សូមជម្រាបដែរថា គោលបំណងសិក្សាស្វែងយល់អំពីទីតាំង សក្តានុពល និងឱកាសក្នុងការអភិវឌ្ឍទេសចរណ៍ធម្មជាតិ, ភ្ជាប់ទំនាក់ទំនង ជាមួយក្រសួង-ស្ថាប័នពាក់ព័ន្ធ វិស័យឯកជន និងសហគមន៍មូលដ្ឋាន ការគាំទ្រគោលនយោបាយ គោលការណ៍ណែនាំ និងលិខិតបទដ្ឋានគតិយុត្ត លើការអភិវឌ្ឍទេសចរណ៍ធម្មជាតិ ក្នុងតំបន់ការពារធម្មជាតិ និងចែករំលែកចំណេះដឹង និងផ្សព្វផ្សាយគោលដៅ លំហែបៃតងក្នុងតំបន់ការពារធម្មជាតិ៕

សូមទស្សនាវីដេអូទាំងស្រុងដូចខាងក្រោម៖