(ភ្នំពេញ)៖ នៅថ្ងៃទី ០៥ ខែមេសា ឆ្នាំ២០២៥ ស្អែកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់អញ្ជើញទៅគោរពវិញ្ញាណក្ខន្ធ នាយឧត្តមសេនីយ៍ ខាំតៃ ស៊ីផាន់ដន អតីតប្រធានគណៈកម្មាធិការមជ្ឈិមនៃបក្សបដិវត្តន៍ឡាវ និង ជាអតីតប្រធានរដ្ឋឡាវ ដែលបានទទួលមរណភាព កាលពីថ្ងៃទី ០២ ខែមេសា ឆ្នាំ២០២៥។ នេះបើតាមការប្រកាសរបស់ក្រសួងការបរទេស។

អញ្ជើញអមដំណើរ សម្តេចធិបតី រួមមាន លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រី ព្រមទាំងមន្ត្រីសំខាន់ៗនៃរាជរដ្ឋាភិបាលកម្ពុជា។

ក្រោមការដឹកនាំរបស់ លោក ខាំតៃ ស៊ីផាន់ជន ប្រទេសឡាវបានពង្រឹងទំនាក់ទំនងដ៏ រឹងមាំយូរអង្វែងក្នុងភាពជាអ្នកជិតខាងល្អ សាមគ្គីគ្នាប្រកបដោយភាតរភាព និងកិច្ចសហប្រតិបត្តិការ ល្អប្រពៃជាមួយកម្ពុជា៕