(បារាំង)៖ តុលាការប្រទេសបារាំង នៅថ្ងៃព្រហស្បតិ៍នេះ បាន​លើកឡើងថា ខ្សែអាត់សម្លេងដែលថតដោយសម្ងាត់ទៅលើកិច្ចសន្ទនារវាងអតីតប្រធានាធិបតី​ប្រទេស បារាំង លោក Nicolas Sarkozy ជាមួយ​មេធាវីរបស់លោកអាចប្រើប្រាស់ជាភស្ថុតាង ដើម្បី​ស៊ើបអង្កេតទៅលើករណី​អំពើពុករលួយរបស់លោកបាន នេះបើយោងតាមសេចក្តីរាយការណ៍របស់ភ្នាក់ងារសារព័ត៌មាន French 24 ចេញផ្សាយនៅថ្ងៃទី០៧  ខែឧសភា ឆ្នាំ២០១៥នេះ។

សូមជម្រាបថា លោក Sarkozy បច្ចុប្បន្នជា​ប្រធានរបស់បក្សប្រឆាំងដែលហៅកាត់ថា UMP ត្រូវបាន​ចោទប្រកាន់ពីបទ ធ្វើ​ការពិភាក្សា ក្នុងគោលដៅផ្តល់នូវការងារដែលផ្តល់ប្រាក់កម្រៃខ្ពស់ ដល់​មន្ត្រីតុលាការម្នាក់ ដើម្បីជាថ្នូរនឹងការបិទបាំងព័ត៌មាន​អំពីអំពើពុករលួយផ្សេងទៀត ពាក់ព័ន្ធនឹង​លោកផ្ទាល់។
បទឧក្រិដ្ឋរបស់លោក Sarkozy អាចឲ្យលោកត្រូវជាប់ពន្ធធនាគាររហូតដល់រយៈពេល១០ឆ្នាំ ប៉ុន្តែអ្នកជំនាញផ្នែកច្បាប់បានបញ្ជាក់ថា ការដាក់ទោសដោយការឃុំឃាំង ប្រហែលជាមិនអាចទៅរួចនោះទេ សម្រាប់លោក Sarkozy បើទោះបីលោកត្រូវបានគេផ្តន្ទាទោសក៏ដោយក្តី៕