កម្មករធ្វើផ្លូវថ្នល់របស់ក្រុមហ៊ុន លី ឈួង ត្រូវអ្នកបើករឡូធ្វើផ្លូវថ្នល់ កិនបែកក្បាលស្លាប់ នៅសង្កាត់ព្រែកឯង ខណ្ឌច្បារអំពៅ

(ភ្នំពេញ)៖ ប៉ូលិសបាននិយាយថា នៅម៉ោងប្រមាណជាង ៣៖៣០នាទីរសៀលថ្ងៃសៅរ៍នេះ មានកម្មករ​ធ្វើផ្លូវថ្នល់ម្នាក់ឈ្មោះ ជុំ លីន ភេទប្រុស អាយុ១៧ឆ្នាំ ជាកម្មកររបស់កក្រុមហ៊ុន លី ឈួង ត្រូវបានអ្នកបើករឡូកិនថ្នល់បុកស្លាប់នៅនឹងកន្លែងតែម្តង ស្ថិតនៅទួលតាចាន់ សង្កាត់ព្រែកឯង ខណ្ឌច្បារអំពៅ (ជាកម្មករស្នាក់នៅការដ្ឋាន)។

ប៉ូលិសបានរៀបរាប់ថា ក្រុមហ៊ុន លីឈួង​ បានបើកការដ្ឋានធ្វើផ្លូវថ្នល់ (ផ្លូវថៃគ័រ) ដោយជនរងគ្រោះជាអ្នក​ធ្វើចរាចរណ៍ ដើម្បីបញ្ជៀសរថយន្ត (ធ្វើផ្លូវម្ខាងបើកម្ខាង) ដោយជនបង្កឈ្មោះ ណុល បុរី ជាអ្នកបើករឡូកិនថ្នល់។

ដោយមិនប្រយ័ត្នក័បើកកិនទៅលើជនរងគ្រោះដែល​កំពុង​ធ្វើចរាចរណ៍បែកក្បាលស្លាប់នៅនឹងកន្លែងតែម្តង។

ភ្លាមៗជនបង្ករត់គេចខ្លួនបាត់៕

។