(សិង្ហបុរី)៖ ទស្សនាវីដេអូឃ្លីប និង រូបភាព នៃឈុតឆាកប្រកួត វាងក្រុមបាល់ទាត់ឈុតតូចកម្ពុជា U-23 ស៊ុតបំបែកសំណាញ់ទី ហ្វីលីពីន ៣-១ ក្នុងវគ្គសន្សំពិន្ទុនៃ SEA Games លើកទី២៨ នៅសិង្ហបុរី ដែលទើបតែបញ្ចប់នៅមុននេះ។ កីឡាករខ្សែប្រយុទ្ធជួរមុខ ប្រាក់ មុន្នីឧត្តម, កែវ សុខផេង និងចាន់ វឌ្ឍនាកា សុទ្ធតែនាំសំណាងឲ្យកម្ពុជា ចំពោះ១ ប្រកួតដំបូង និងទទួលបាន៣ពិន្ទុ ឡើងទៅឈរនៅលេខ២ក្នុងពូល A បណ្តោះអាសន្នផងដែរ ដោយមានមីយ៉ាន់ម៉ា កំពុងឈរនៅលេខ១ ដោយមាន៣ពិន្ទុដូចគ្នា។

៣ប្រកួតបន្តទៀត កម្ពុជា ត្រូវជួបជាមួយឥណ្ឌូនេស៊ី ថ្ងៃទី០៦ មិថុនា, ថ្ងៃទី០៨ មិថុនា ជួបម្ចាស់ផ្ទះសិង្ហបុរី និងថ្ងៃទី១០ មិថុនា ចុងក្រោយជួបក្រុមខ្លាំងមីយ៉ាន់ម៉ា ។

ជាមួយនឹងការធ្វើបានល្អដោយឈ្នះ១ប្រកួតនេះ គឺក្រុមកីឡាករបាល់ទាត់ កម្ពុជា នឹងទទួលបានប្រាក់រង្វាន់ លើកទឹកចិត្ត ១០០០០ដុល្លារ ពីសហព័ន្ធបាល់ទាត់ និង២០០០ដុល្លារទៀត ពីក្រុមហ៊ុន ស្រាបៀរអង្គរ៕ សូមទស្សនាវីដេអូ និង រូបភាព--->