(ភ្នំពេញ)៖ មជ្ឈមណ្ឌលកម្សាន្ត និងអប់រំ ឃីដ ស៊ីធី នៅថ្ងៃទី១០វិច្ឆិកា បានរៀបចំទិវាវិទ្យាសាស្ត្រពិភពលោក ដោយមានការសហការ និងឧបត្ថម្ភពីក្រុមហ៊ុនធានារ៉ាប់រងអាយុ ជីវិតព្រូដិនសលកម្ពុជា ដើម្បីផ្សព្វផ្សាយ និងបញ្ជ្រាបផ្នត់គំនិតអំពីខ្លឹមសារវិទ្យាសាស្ត្រ ដែល មានទំនាក់ទំនងទៅនឹងជីវិតប្រចាំថ្ងៃ ដល់លោកគ្រូ អ្នកគ្រូវិទ្យាសាស្ត្រ និងសិស្សានុសិស្ស ដែលអញ្ជើញមកពី៤សាលាសាធារណៈ នៅក្នុងរាជធានីភ្នំពេញ។

ក្រោមអធិបតីភាព របស់លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា ថ្លែងសុន្ទរកថាស្វាគមន៍ ក្នុងការបើក ទិវាវិទ្យាសាស្រ្តពិភពលោក និងមានការ ចូលរួមពីតំណាងរបស់ក្រុមហ៊ុនធានារ៉ាប់រងអាយុជីវិតព្រូដិនសលកម្ពុជាផងដែរ។

លោកស្រី សុខ វណ្ណា ប្រធានស្ដីទីមជ្ឈមណ្ឌលកម្សាន្ត និងអប់រំ ឃីដ ស៊ីធី បានថ្លែងថា៖ យើងខ្ញុំមានមោទនភាពយ៉ាងក្រៃលែង ក្នុងការបន្តរួមចំណែក លើកកម្ពស់ និងជុំរុញការអភិវឌ្ឍន៍វិស័យវិទ្យាសាស្រ្តនៅកម្ពុជា ដើម្បីផ្សព្វផ្សាយ និងបញ្ជ្រាប ផ្នត់គំនិតផ្នែកវិទ្យាសាស្ត្រដល់លោកគ្រូ អ្នកគ្រូ និងសិស្សានុសិស្ស ចំនួន៣៥០នាក់ ដែលអញ្ជើញមកពីសាលាសាធារណៈនៅក្នុងរាជធានីភ្នំពេញ។

មជ្ឈមណ្ឌលកម្សាន្ត និងអប់រំ ឃីដ ស៊ីធី មានគម្រោងបញ្រ្ជាបផ្សព្វផ្សាយការអប់រំ ផ្នែកវិទ្យាសាស្ត្រ និងកំសាន្តជាមួយនិងឧបករណ៍ទំនើបៗ ដែលជាកន្លែងសំរាប់អោយ សិស្សានុសិស្ស ភ្ញៀវជាតិ និងអន្តរជាតិមកស្វែងយល់អោយកាន់តែច្បាស់នៃការវិវឌ្ឍន៍នៃ ពិភពលោកយើង។ មិនតែប៉ុណ្ណោះ វាជាការជួយជុំរុញអោយសិស្សានុសិស្ស និង យុវវ័យជំនាន់ ក្រោយអោយចាប់ អារម្មណ៍ និងទទួលយកអាជីពការងារផ្នែកវិទ្យសាស្ត្រនាពេលអនាគត។

សូមទំនាក់ទំនង៖​ លោកស្រី ហីង ស្រី ជំនួយការផ្នែកសាលវិទ្យាសាស្រ្ត
Email: [email protected]
Tel: ០៧៧​៧៧ ៨៩ ១៨ ឬ ០៨១ ៤២៦ ៤២៧
គេហទំព័រ : www.kidscityasia.com
Kids City បើកដំណើរការរៀងរាល់ថ្ងៃចាប់ពីម៉ោង០៩ព្រឹក រហូតដល់ ម៉ោង៨យប់ និងមានការបញ្ចុះតម្លៃពិសេសសំរាប់ទស្សនៈកិច្ចសិស្សសាលាជាក្រុម៕