(អេហ្ស៊ីប)៖ តុលាការអេហ្ស៊ីបបានចេញបញ្ជាការស៊ើបអង្កេត និងកាត់ក្តីសារជាថ្មីទៅលើករណីអ្នកសារព័ត៌មានបីនាក់របស់ទូរទស្សន៍ Al Jazeera ដែលកំពុងឃុំឃាំងនៅក្នុងពន្ធធនាគារ ដោយបបង្ហាញថា មានកំហុសក្នុងដំណើរការនៃការកាត់ក្តីកាលពីឆ្នាំមុន។ នេះបើយោងតាមការលើកឡើងរបស់មេធាវីការពារក្តីដកស្រង់ ដោយសារព័ត៌មាន Reuters ចេញផ្សាយនៅថ្ងៃទី០២ ខែធ្នូ ឆ្នាំ២០១៤នេះ។
សូមជម្រាបថា លោក Peter Greste ជនជាតិអូស្ត្រាលី លោក Mohamed Fahmy ជនជាតិអេហ្ស៊ីប កាណាដា និងលោក Baher Mohamed ជនជាតិអេហ្ស៊ីប ត្រូវបានដាក់ទោសក្នុងពន្ធធនាគារពីប្រាំពីរ ទៅដប់ឆ្នាំ ពីបទកុហកដើម្បីជួយដល់ក្រុមភេវរករ (ក្រុមភាតរភាពមូស្លីម)។ សេចក្តីសម្រេចដាក់ទោសរបស់តុលាការកាលពីឆ្នាំមុន ត្រូវទទួលរងការរិះគន់ពីសំណាក់ក្រុមសិទ្ធមនុស្ស ប្រទេសលោកខាងលិច និងអង្គការសហប្រជាជាតិ។
ករណីនេះក៏បានបង្កភាពតានតឹងរវាងអេហ្ស៊ីប និងកាតា ដែលជាម្ចាស់ផ្ទះរបស់ទូរទស្សន៍ Al Jazeera ផងដែរ៕
