(បន្ទាយមានជ័យ)៖ ស្ពានថ្មរលំជ្រៃ បាក់ខូចស្ទើរទាំងស្រុងរយៈពេល ២ឆ្នាំមកហើយ ប៉ុន្តែពុំទាន់ឃើញមានអាជ្ញាធរណាអើពើយកចិត្តទុកដាក់បន្តិចសោះ ធ្វើឲ្យប្រជាពលរដ្ឋជួបការលំបាក់នៅរដូវវស្សា ក្នុងការធ្វើដំណើរឆ្លងកាត់ ស្ពានថ្មនេះ ស្ថិតក្នុងភូមិរោគ ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ ។
ប្រជាពលរដ្ឋរស់នៅក្នុងឃុំពន្លៃបានប្រាប់ថា ស្ពានថ្មរលំជ្រៃនេះ រងការខូចខាតធ្ងន់ធ្ងរ នៅឆ្នាំ២០១៣ ដោយសារតែទឹកជំនន់ធំ បណ្តាលឲ្យហូរច្រុះដាច់ និងបាក់ស្ពានមួយកំណាត់ ផ្នែកខាងត្បូងក្បាលស្ពាន ហើយការដាច់នេះដែលប្រជាពលរដ្ឋ ជួបការលំបាកទៅមកមិនរួច ។ ទើបប្រជាពលរដ្ឋបាននាំគ្នា យកបន្ទះក្តារត្នោតប្រមាណ ១០បន្ទះដាក់គ្រាន់ឆ្លងកាត់ ទៅមកនៅរដូវវស្សា ដែលឆ្លងកាត់បានត្រឹមម៉ូតូ ចំណែករថយន្តទៅមកមិនបាន គឺទៅមកបាននៅរដូវប្រាំង ។
ប្រជាពលរដ្ឋបានបញ្ជាក់ថា ប្រជាពលរដ្ឋដែលឆ្លងកាត់ស្ពានរលំជ្រៃ ទូទាំងឃុំស្ពានស្រែង ដែលជាការលំបាកខាងមុខនេះ គឺដឹកកសិផលនៅពេលដែលធ្វើផលបាន នាំចេញលក់ទៅទីផ្សារ ទៅសាលារៀន ទៅមន្ទីរពេទ្យ ។ ហើយប្រជាពលរដ្ឋសុំឲ្យ អភិបាលខេត្តបន្ទាយមានជ័យ និងក្រសួងជំនាញជួយសាងសង់ ឬជួសជុលស្ពានរលំជ្រៃនេះដើម្បីឲ្យប្រជាពលរដ្ឋ ទៅមកដោយងាយស្រួយនៅរដូវវស្សា, ចំណែកផ្លូវល្អស្រួលហើយ តែស្ពានបាក់ ។
លោក ព្រំ ឆៃ មេឃុំស្ពានស្រែងបានប្រាប់ថា ក្រោយពេលស្ពានរលំជ្រៃ ដាច់ដោយទឹកជំនន់ហូរច្រុះដាច់ហើយ ប្រជាពលរដ្ឋជួបការលំបាក ក្នុងការធ្វើដំណើរទៅមកនៅរដូវវស្សា ហើយអាជ្ញាធរឃុំបានធ្វើរបាយការណ៍ និងពាក្យស្នើសុំទៅអភិបាលស្រុក និងមន្ទីរជំនាញ ក៏ដូចជាអភិបាលខេត្ត ដើម្បីកសាងឡើងវិញជួយដល់ប្រជាពលរដ្ឋដឹកកសិផលនៅរដូវប្រាំងខាងមុខនេះ។
ទោះបីជាយ៉ាងបច្ចុប្បន្ននេះ នៅក្នុងខេត្តបន្ទាយមានជ័យ តែមានការអភិវឌ្ឍន៍ជាបន្តបន្ទាប់ តែហេតុអីបានអាជ្ញាធរមូលដ្ឋាន អាជ្ញាធរខេត្ត
មើលរំលងបញ្ហានេះទៅវិញ ដូច្នេះហើយប្រជាពលរដ្ឋសង្ឃឹមថា លោកអភិបាលខេត្តបន្ទាយមានជ័យ លោក គោស៊ុំ សារឿត នឹងយកចិត្តទុកដាក់ជាមិនខាននោះទេ ជាពិសេសរដូវវស្សាមកដល់ហើយ ការឆ្លងកាត់ និងជួបការលំបាកជាមិនខាននោះទេ៕
