(ភ្នំពេញ)៖ ដោយមើលឃើញពីភាពជោគជ័យ និងទទួលបានការគាំទ្រពីអតិថិជន គ្រប់ស្រទាប់វ័យ ក្រោយពេលបើកដំណើរការសាកល្បង កាលពីថ្មីៗកន្លងមកនោះ ពេលនេះក្លឹបកម្សាន្ត របស់តារាស្រី កញ្ញា ហែម ច័ន្ទមរកត ដែលមានឈ្មោះថា «Secrets Night Club & Restaurant» មានទីតាំងស្ថិតនៅផ្លូវ ១៣៦ម្តុំ ផ្សារកណ្តាល ត្រូវបានសម្ពោធបើកដាក់ ឲ្យដំណើរជាផ្លូវការហើយ។
ពិធីបើម្ពោធដំណើរ «Secrets Night Club & Restaurant» ដែលចាយទុន អស់រហូតរាប់សែនដុល្លារ ដែលជាការរួមគ្នា រវាងតារាស្រីកញ្ញា ហែម ច័ន្ទមរកត និងគូស្នេហ៍ជនជាតិអង់គ្លេស វ័យជាង៤០ឆ្នាំនេះ បានធ្វើឡើងកាលពីរាត្រី ថ្ងៃទី២៩ ខែមិថុនា ឆ្នាំ២០១៨ ដោយមានការចូលរួមពីសំណាក់ ភ្ញៀវទាំងជនជាតិខ្មែរ និងបរទេស។
បើតាមការឲ្យដឹងពីតារាស្រី ហែម ច័ន្ទមរកត បានបញ្ជាក់ថា ចំពោះទីតាំងបើកក្លឹបខាងលើនេះ មុនពេលដំណើរការ ចាប់ផ្តើមរៀបចំ គឺនាងនិង គូស្នេហ៍បានសិក្សា មានរយៈពេលយូរខែ ដោយហេតុថា ត្រូវសំឡឹងមើលពីភូមិសាស្រ្ត ,ការរចនា ដើម្បីធ្វើយ៉ាងណាឲ្យមានភាពទាក់ទាញ និងពិសេសគឺតំបន់ ដែលមានភ្ញៀវចម្រុះជាតិសាសន៍ តែម្តង។
តារាស្រីខ្ពស់ស្រឡះ កញ្ញា ហែម ច័ន្ទមរកត បានបន្តថា ចំពោះដើមទុនដែលត្រូវបានចំណាយ លើការរៀបចំបើក «Secrets Night Club & Restaurant» គឺនាងនិងម្ចាស់ស្នេហ៍ ចំណាយលុយអស់ចំនួន ៦០០,០០០ដុល្លារ។ នេះជាក្លឹបដំបូងគេ ដែលបានលេចវត្តមានឡើង នៅលើទឹកដីប្រទេសកម្ពុជា បន្ទាប់ពី «Secrets Night Club & Restaurant» ទទួលបានជោគជ័យ និងគាំទ្រមានរយៈពេល១២ឆ្នាំ នៅលើទឹកដីប្រទេសថៃ។
កញ្ញា ហែម ច័ន្ទមរកត បាននិយាយទៀតថា ចំពោះការបើកក្លឹបកម្សាន្ត ដែលចាយទុកអស់ច្រើននៅស្រុកខ្មែរបែននេះ នាងសង្ឃឹមថា នឹងទទួលបានជោគជ័យ និងគាំទ្រខ្លាំងដូច «Secrets Night Club & Restaurant» នៅប្រទេសថៃ ព្រោះថាគូស្នេហ៍របស់នាង ដែលស្រឡាញ់គ្នា២ឆ្នាំមកហើយនោះ គាត់មានបទពិសោធន៍ លើផ្នែកនេះស្រាប់។ ម្យ៉ាងទៀត «Secrets Night Club & Restaurant» គឺមានគោលដៅសំខាន់ ផ្តោតលើភ្ញៀវគ្រប់វ័យ និងជាតិសាសន៍តែម្តង៕
